Lian Karau Dikur (Manatuto)-Konsileiru Maximu Partidu Kmanek Haburas Unidade Nasional Timor Oan, (KHUNTO), José dos Santo “Naimori Bucar” hateten, unidade nasional ne’e mai ho fuan la mai husi matan, tanba ne’e unidade nasional sai save ba paz no estabilidade ho garante politika husi Partidu Khunto nian ba povu nia moris diak
“Unidade nasional la mai husi ita nia matan maibe unidade nasional mai husi ita nia fuan, saida mak ita oferese ba povu ida ne’e nia hakmatek ita atu kria unidade da paz iha familia presiza rona malu sai maun alin ne’ebé diak ita hotu lao iha politika ida, vota ba Khunto tanba programa ba moris povu nian iha futuru oin mai” dehan José dos Santo “Naimori Bucar” iha Postu Laleia Suku Cairui, sabadu (25/04/2026)
Sekretariu Geral Partidu Kmanek Haburas Unidade Nasional Timor Oan (KHUNTO), Elidio de Araujo, hateten, sei servisu makas ho joven sira iha postu laleia hodi lori vitoria ba eleisaun 2027-2028
“ita sei manan iha Posto Laleia, ne’e hau fiar ho joven sira nia servisu makas, mai ita servisu hamutuk ho lider maximu oinsa mak lori lori vitoria ba iha 2027, eleisaun presidensial, kamará Munisipal, no Parlamentar” afirma Sekjer khunto
Koordenador Munisipiu Manatuto, Manuel Gozaga M. Sarmento, husu ba estrutura foun hodi servisu makas no mantein pas no estabilidade no kaer metin unidade nasional la hare ba kor no rasa tanba nu’udar joven mak sai kontinuador
“husu ita hotu atu servisu makas liu tan, hodi lori maluk sira seluk atu mai hamutuk iha partidu khunto, matein nafatin paz no kaer metin unidade nasional, unidade nasional mak sai mahon ba ita hotu maske mai husi kor oi-oin, hau konvida ita hotu ne’ebé simu pose ita sira ne’e sai kontinuador habelar programa partidu khunto nian ba iha sosiedade” tenik koordenador Khunto
Entre tantu, Partidu Kmanek Haburas Unidade Nasional Timor Oan (KHUNTO) husi estrutura nasional hodi fo pose ba estrutura foun iha Munisipiu Manatuto, Postu Administrativu Laleia, kompostu husi suku tolu, Suku Aturalala, Suku Lifau, Suku Cairui, ne’ebé militante hamutuk 520
Ekipa kobertura: Lian Karau Dikur
