Lian Karau Dikur (Dili)-Radio komunidade 3 iha Timor-Leste sei kontinua enfrenta difikuldade boot tanba la hetan apoiu husi Fundu Transferénsia Públika (FTP), ne’ebé normaliza atu ajuda dezenvolvimentu Radio komunidade sira.
Sekretaria Estado Komunikasaun Sosial (SEKOMS) Expeditu Loro Dias hateten Rádio komunidade sira importante tebes tanba sira mak sai fonte informasaun prinsipál ba komunidade rural sira, tanba ne’e kada tinan ida Governu apoiu orsamentu ba ba Radio Komunidade
“Ohin ita asina kontratu ho radiu Komunidade 18 tinan tinan Guvernu apoiu osan ba Radio Komunidade sira tanba Guvernu senti katak Radio komunidade ne’e ninia frenti informasaun iha komunidade “Sekretaria Estadu Komuniksaun Sosial, Espeditu Dias Ximenes hateten ba Jornalista sira iha Palasio Governu tersa (21-04-2026)
Alende ne’e, SEKOMS liuhusi ninia ekipa halo Auditorial no identifika katak iha problema sira ligadu ho jestaun no distribuisaun fundu, ne’ebé bele afeta diretamente ba rádio komunidade sira nia operasaun.
“Radio Komunidade Tolu ne’e iha mal Administrasaun tanba ne’e Guvernu labele fo osan se sira seidauk halo relatoriu ne’ebé los tanba osan Estado nian Povu nian dala barak Item ne’ebé sira husu atu sosa Antena maibe sira muda fali ba halo buat seluk tanba ne’e maka lei la fo dalan”nia informa
Governo liu husi SEKOMS, kria ona ekipa ida hodi halk Auditoria interna no iha Auditoria ne’e sira gasta osan la tuir Proposta ne’ebé sira hato’o tanba ne’e sei suspende lai no sei ekipa verifika karik iha auditoria interna ne’ebé husi Governu halo ne’e mak iha indisiu Krime maka ida ne’e prosesu tuir regras ne’ebé iha
Enkuantu Osan ne’ebe SEKOMS apoiu ba Rádio Komunida 18 hamutuk $ 240,000, radiu Komunidade tolu ne’ebé Mak la hetan apoiu Fundu Transferénsia Publika (FTP) Mak hanesan Rádio Komunidade Cova Taroman, Rádio Komunidade Rai husar Aileu, no Radio Comunidade Comoro
Jornalista : Tachung
