Lian Karau Dikur-Atsabe 02)05/2026 Dom Virgilio Cardeal do Carmo da Silva, fo bensaun ba kruz santo ne’ebé hari husi joventude no sarani komunidade suku sanulu resin rua (12) iha tinan 2023 iha foho Mauleki-lau Postu Administrativu Atsabe, Munisípiu Ermera
Dom Virgilio Cardeal do Carmo da Silva hateten, presensa kruz Mauleki-lau ne’e la’ós aumenta tan kruz maibé kruz Mauleki-lau hamrik ho nia identidade rasik ho nia diferensia rasik iha Mauleki-lau ne’e
“Ho presensa kruz mauleki lau nian la’ós aumenta tan kruz ida maibé kruz mauleki lau nian Maria ninia identidade rasik Marka nia sentidu rasik iha ninia presensa ne’e uniku ba iha sarani sira, kruz ne’e Marka ninia diferensia rasik “dehan Dom Virgilio Cardeal do Carmo Da Silva, ba sarani sira iha kruz Mauleki-lau iha atsabe
Dom Virgilio haktuir, kruz mak hatudu Jesus nia terus no mate no moris hias no kruz ne’e la’ós ita nia Derota maibé kruz ne’e ita nia vitória
“Dalan kruz ninian atu fo hanoin mai ita katak atu la’o to ba vitória ita nia dalan moris nian hanesan mós dalan kruz nian atu ita sarani sira hare ba ita nia kolen, ita nia susar hare ba ita nia terus ninian, ita labele hanoin kona ba Jesus ninia moris se nia laiha Cruz ita labele hanoin kona ba domingo Resoureisaun se laiha sexta feira santa” nia hateten
Enkuantu, reflete fila fali uluk Maromak koalia ba ema liu husi profeta, pátri arka maibé to tempu ida maromak la koalia tan la liu husi profeta pátri arka maibé Maromak koalia ho nia oan rasik mak Jesus Kristu maske Jesus Kristu sala laiha maibé liu husi Jesus ne’ebé halo an ba misteriu inkarnasaun nian, tan ne’e liu husi Jesus ninia presensa iha ita nia lét nia hakarak atu lori salvasaun tan ne’e liu husi Jesus Maromak hatudu buat ne’e boot liu ba ita mak kruz.
Iha bensaun kruz Mauleki-lau ne’e Dom Virgilio Cardeal do Carmo da Silva agradese ba joven no komunidade sira ne’ebé mak ho inisiativa rasik harii ona kruz iha foho mauleki-lau
Jornalista: Felix Fernandes
