Lian Karau Dikur (Covalima)-Munisipiu Covalima, Postu Administrativu Suai, Xefe Aldeia Busakukun, Suku Debos hodi organiza no mobiliza joven sira iha aldeia atu hamutuk halo servisu voluntáriu hodi hadia estrada ne’ebé aat ne’ebé fo ameasa ba movimentasaun transporte publiku sira tanba ne’e komunidade inisiativa hodi hadia estrada ne’e
Xefi aldeia Busakukun, Januario Amaral do Carmo hateten, servisu ne’e ho inisiativa rasik atu prepara estrada, no hadia parte sira ne’ebé estraga, ho objetivu atu garante seguransa no konfortu ba utilizador estrada sira, inklui estudante, agrikultór no komunidade tomak.
“Joven sira servisu ne’e ho konsensia Voluntariu hodi ateru ba dalan refere atu nune’e komunidade sira bele utiliza dalan ne’e ho diak”dehan Xefi Aldeia Busakukun Januario Amaral do Carmo, ba Jornalista Lian karau dikur (LKD) liu husi Via Telefone, kinta (16/04/2026)
Xefe Aldeia ne’e, haktuir atividade ne’e importante tebes tanba estrada di’ak sei ajuda hasa’e movimentasaun ema no sasán, nune’e mos bele suporta atividade ekonomia lokal.
Enkuantu Joven sira ne’ebé partisipa iha atividade ne’e hatudu entuziasmu no espírito voluntáriu aas, no konsidera katak servisu hamutuk hanesan forma ida atu kontribui ba dezenvolvimentu aldeia
Jornalista : Chung
