Lian Karau Dikur (Dili)-Institutu Nasional Seguransa Sosial (INSS) partilla informasaun kada fulan koa salariu 4% ba Seguransa Sosial tuir rezolusaun governu nu° 56/2024 30 de outubro ba funsionariu kada ministerial sira iha instituisaun Governu nian
Sefe Gabinete Institutu Nasional Seguransa Sosial (INSS), no Fundu Rezerva Seguransa Sosial, Zeca Friado Afoli Coa, hatete hamutuk ho ekipa INSS hodi partilla informasaun kona-ba rezolusaun governu numeru 56/2024, 30 de Outubro ba funsionario sira iha Ministeriu Juventude Desportu Arte no Cultura (MJDAC).
“Ligadu ho simulasaun badak ne’ebe mak ekipa Instituto Nasional Seguransa Sosial (INSS), halo simulasaun partilla informasaun ligadu ho rezoluasaun governu numeru 56/2024, 30 de Outubro husi rezolusaun ida ne’e fo responsabilidade ba Instituto Nasional Seguransa Sosial oinsa atu halo inskrisaun obrigatoriu ba uza modulu kontribuisaun prense ba deklarasaun renumerasaun ba funsionariu hotu-hotu hahu husi orgaun soberanu 4 ne’e hotu kedan ba ministeriu no tuir data ne’ebé mak ohin realiza iha MJDAC,” Dehan Sefe Gabinete INSS, Zeca Friado Afoli Coa ba jornalista sira iha salaun MJDAC Lecidere Kuarta (08/04/2026)
Nia hatete, pontus esensiais ne’ebe iha atu hafasil funsionariu sira no rekursu umanu iha ministeriu sira atu hatene tuir sira nia kareira kontribuisaun 4% ba salario ne’ebé kada fulan ko’a ba iha seguransa sosial nian.
Alende ne’e tuir rezolusaun Primeiru-Ministru ba Institutu Nasional Seguransa Sosial (INSS) ne’ebé hahu husi Gabinete Presidensia da Republika (GPR), Gabinete Parlamentu Nasional (GPN), Gabinete Primeiru Ministru (GPM), no Gabinete Tribunal Rekursus (GTR) hafoin ba Vise Primeiru Ministru I no Vise Primeiru Ministru II inklui mos ba instituisaun publiku no empreza publiku sira
“Tuir rezolusaun ne’ebe mak sua-exelensia Primeiro Ministro rasik fo ba Instituto Nasional Seguransa Sosial ami hahu uluk husi gabinete presidensia da republika, gabinete presidensia parlamentu nasional, gabinete primeiru ministru rasik, gabinete presidensia tribunal de rekursu hafoin ami tun iha vise primeiru ministru no vise primeiru ministru II no tuir irarkia ne’ebe mak organiku iha ministeriu nian ou la’os ministeriu organika iha ita nia orgaun soberanu, hahu husi ministeriu sira tun ba iha vise ministru sira, sekretaria estadu no inklui mos instituto publiku no empreza publiku sira tanba ne’e mak wainhira ema ruma moras, ema ruma atu foti lisensa ba maternidade ka paternidade seguransa sosial la presiza haruka tan nia atu ba ne’ebe tanba husi sira nia padraun rasik mensalmente sira kontribui, tanba ne’e fasilita tebes ami atu halo pagamentu ba sira mais ba setor publiku mak hanesan ho ita dehan katak ami tenke la’o ba ministeriu hotu-hotu”
Tuir nia, funsionariu hotu-hotu tantu permanente no kontratadu iha obrigatoriu atu ko’a nia salariu tanba kada fulan sira hetan salariu.
“Seguransa sosial ne’e obrigatoriu tenke submete tanba husi seguransa sosial la hare’e ba nia ne’e permanente ka kontratadu tanba husi nia tantu kazuais permanente ne’e mensalmente nia hetan salariu, ne’ebe ko’a nia salariu automatikamente,” Nia afirma.
Inspetor Jeral Minsiteriu Juventude Desportu Arte no Kultura (MJDAC), João dos Santos hatete, funsionariu permanente ne’ebé iha Ministeriu Juventude Desportu Arte No Kultura (MJDAC) hamutuk 100 liu no submete ba Institutu Nasional Segransa Sosial (INSS) nian
“Agora ita nia total ida ne’ebé asesu ba iha INSS nian Centos e tall ne’e ba iha funsionario permanente sira ne’ebé mak iha ba kolega sira ne’ebé maka foin tama mai kontratu hanesan agenda administrasaun publiku kazuais sira ne’e agora maka foin rejista ne’ebé sedauk tama hotu maibe, sira fulan-fulan diresaun nasional diretor umanus rejista bazeia ba lista perol nian depois submete ba iha INSS, ne’e hahu husi 2023 halo tiha ona 2024 mai tiha ona ba aprezenta ona ba iha INSS”, João Esplika.
Nia akresenta, funsionario barak mak seidauk hetan kartaun Nis tanba seidauk asesu ba plataforma MOBILE UP maibe funsionariu permanente kuaze hetan ona kartaun nis
“Barak maka seidauk hetan kartaun Nis, sira ne’e sedauk hetan tanba sei prosesu hela, alista tiha hotu mais funcionariu permanente kuaze maioria hetan ona kartaun no hetan ona numeru INSS ne’e, só ke seidauk bele hatene lolos sira nian kontribuisaun tanba plataforma MOBILE UP ne’e sira seidauk bele asesu,” Nia Hakotu.
Jornalista : Arnaldu Nunes
