Lian Karau Dikur (Ermera-Atsabe)-Paroquia São José Atsabe ho Sarani estasaun lação halo selebrasaun paixaun do señor iha foho Mauleki lau hodi reflete fila fali nai Jesus Kristu nia terus to mate iha kruz ne’e sai sentru ba fiar kristaun nian tanba krus sai sinal domin no krus ba esperansa nian
Amo Selebrante Pe. Paulus kerans iha nia omilia hatete, Sexta Feira Santa liturgia igreja nian laiha kapitulo glória laiha eukaristia solene ida maibe buat ne’ebé iha mak kruz katak Domin ne’ebé kanek
“buat ne’ebé mak iha kruz katak Domin ne’ebé kanek ohin ita selebra paixaun do senhor ita nia Jesus Kristu nia terus no mate ne’e sai sentru importante tebes iha fiar Kristaun nian iha buat ha’at mak sarani hodi reflete mak, kruz mak sai sinal Domin ne’ebé mak klean, no Jesus nia finelidade iha traisaun nia lét, silensiu mak salva ita, kruz ba esperansa” dehan Amo Selebrante Pe. Paulus kerans, iha Atsabe, Sesta (03/04/2026)
Padre selebrante ne’e haktuir, kruz sai sinal Domin ne’ebé kelan tebes dala barak ita hare kruz ne’e sai nu’udar sinal terus nian maibé ohin loron santa kreda konvida ita atu hare kelan liu tan kona-ba kruz nia signifikasaun
“Ohin loron santa kreda konvida ita atu hare kelan liu tan kona ba kruz nia signifikasaun katak kruz mak sinal bo’ot liu Domin nian katak Jesus mate la’os tan obrigasaun maibé nia hili dalan ida ne’e fiek nafatin to nia rohan iha nia terus no mate nia hatudu katak domin bo’ot no klean no la ses husi sakrefisiu Domin bo’ot no klean sempre fiel” nia esplika
Dala barak ita husu nai Maromak, tanba saida buat hirak ne’e akontese iha ita nia moris sexta feira Santa la resposta direita maibé buat hirak ne’e fo mai ita serteja ida katak Maromak ne’e la dook husi ita nia terus nia hamutuk ho ita iha ita nia terus nia laran, Jesus nia finelidadade iha traisaun nia let iha Historia paixaun Kristu nian
“Iha Historia paixaun Kristu nian ita hare katak nia hetan traisaun husi ema ne’ebé mak besik nia hetan traisaun tanba iha ema abandona nia no ses nia husi nia belun sira nia hetan julgamentu no injustamentu no Tortura maibé buat hirak ne’e Jesus la vigansa no odiu ba sira iha kruz nia leten nia dehan Ha’u aman perdua sira sala ba”
Rekorda fali katak loron Sexta feira Santa mak loron silensiu no mai Jesus konvida ita atu pausa ituan husi ita nia moris ne’ebé okupadu ita tama iha ita nia fuan ho laran hodi halo reflexsaun kona-ba ita nia moris dala barak ita okupadu liu iha ita nia moris, barulho ho ita nia atividade sira maibé sexta feira Santa kruz konvida ita atu hakmatek no hare oinsá Maromak nia domin iha ita ema nia moris.
Jornalista : Felix Fernandes
