Lian Karau Dikur (Atsabe)-Paroquia São José Atsabe selebrasaun kinta feira Santa hanesan loron ne’ebé atu reflete fila fali nain Jesus nia han kalan ikus ho apostolu sanulu resin rua (12) molok ema hedi nia ba krus no nia atu mate nodi harii mos Sakramentu orden no sakramentu Eukaristia
Padre Paroku Paroquia São José Atsabe pe.Fidelio Da Cruz iha Omilia hatete, kinta feira Santa hodi selebra nai Jesus han kalan ikus molok nia atu mate ida ne’e nu’udar tradisaun ema judeu nian kada tinan tinan selebra festa paskua
“Maromak nia liafuan ita reflete iha kalan ida ne’e iha primeira leitura iha livru exodu nu’udar tradisaun ema judeu sira nian katak tinan tinan sira selebra festa paskua han hamutuk liliu sira hanoin hikas fali Maromak ninia laran luak hodi lori liberta povu ida ne’ebé moris iha terus nia laran durante tinan naruk nia laran iha rai exiptu” dehan Padre Paroku Paroquia São José Atsabe pe.Fidelio Da Cruz iha Ermera/atsabe, Kinta (02/04/2026)
Padre selebrante haktuir, tanba sa iha kalan ida ne’e nai Jesus han hamutuk de’it ho nia apostolu sanulu resin rua(12) tanba sira selebra no nai Jesus hari sakramentu rua sakramentu orden no sakramentu Eukaristia
“Tanba ne’e nia la konvida ou la bolu nia inan ho feto hirak ne’ebé sempre la’o hamutuk ho Jesus ho nia apostolu sira maibé nia bolu de’it apostolu 12 tanba iha kalan ida ne’e kinta feira Santa nai Jesus hari sakramentu boot rua ne’e“ nia hateten
Nia informa, iha sakaramentu eukaristia nai Jesus mós harii Sakramentu Orden tanba ne’e Sakramentu Eukaristia labele haketak an ho Sakramentu Orden
“Sakramentu Orden labele haketak an ho sakramentu Eukaristia iha sakramentu Orden nai Jesus dehan halo ida ne’e bainhira mai Jesus halo nia jestu fase apostolu sira nia ain sakramentu orden atu servi lisaun bot mak ha’u mai atu servi “
Tanba ne’e iha Kinta Feira Santa ne’ebé nai Jesus han kalan ikus ho nia apostolu sanulu resin rua (12) no molok nai Jesus atu saran an ba mate nia foti pão haraik bensaun silu hodi fahe ba nia apostolu sira hodi dehan simu ba no han ba ne’e ha’u nia isin no nai Jesus mós foti kalis hodi dehan simu ba no hemu ba ne’e ha’u nia ran imi halo ida ne’e hodi hanoin hau.
Jornalista : Felix Fernandes
