Lian karau Dikur (Ermera/Atsabe)-04/04/2026 Parokia São José Atsabe selebrasaun Sabadu Aleluia ”Vigilia Pascal” nu’udar kalan santo ne’ebé mak Igreja iha mundo rai klaran haksolok tanba nai Jesus Kristu manan hodi moris hias husi nia mate
Amo selebrante Pe.Paulus kerans iha Omilia hateten, selebrasaun sabadu aleluia la’ós selebra ne’ebé babain maibé selebrasaun ida ne’ebé kalan santo tanba Igreja iha mundo rai klaran hein no haksolok tanba Jesus Kristu manan husi mate
“Kalan ida ne’e mak kalan ida ne’ebé santo tanba Igreja tomak iha mundo rai klaran hein no haksolok tanba Jesus Kristu manan hikas husi mate, ita hahú Selebrasaun ne’e ho nakukun Igreja Santa Kreda nian nakukun fuan hakmatek iha silensiu laran laiha ksolok laiha barulho maibé bainhira sunu lilin pascua nian roman ne’e fahe ba ema hotu no ikus mai nakukun ne lakon” dehan Amo selebrante Pe.Paulus kerans, iha Parokia São José Atsabe Sabadu Aleluia
Pe.Paulus haktuir, hahu husi kriasaun mundo nian liu husi viagen povu Israel nian to Kristu nia moris hias, iha inisiu buat hotu nakukun laiha formulariu no laiha diresaun maibé Maromak dehan sai naroman ba
“liu husi viajen povu Israel nian to Kristu nia moris hias iha inisiu buat hotu nakukun laiha formulariu no laiha diresaun maibé Maromak dehan sai naroman ba no naroman mosu no naroman iha mensajen ida ne’e krusial tebes katak Maromak la hein kondisaun perpetua atu servisu maibé nia hahú iha nakukun Laran“ dehan nia
Amo selebrante ne’e salienta, Vigilia Pascal nia dehan kruz la’ós rohan moris hias ne vitória ida no ida ne’ebé muda buat hotu rate mamuk ne’e sinal ida katak Maromak atua hela
“Kruz la’ós rohan, moris hias ne’e vitória ida no ida ne’ebé muda buat hotu, rate mamuk ne’e sinal ida katak Maromak atua hela, Jesus moris hias ona maibé ida ne’e la’ós simbolu ida katak historia espiritua de’it, maibé ida ne’e lia mós ida iha ita nia fiar katak muda ita nia moris ba nafatin”
Signifakasaun husi Jesus nia moris hias husi mate, maibé moris hias ne’e prova ida katak Maromak nia Domin bo’ot liu fali ita nia sala sira laiha sofrimentu ne’ebé laiha folin kanek matan been, no susar sira hotu bele sai dalan ba moris foun laiha mate mak sai final maibé moris ne’e mak vitória.
Jornalista : Felix Fernandes
