Lian Karauk Dikur (DILI)-Comandante Componente Naval (CCN), Comodoro Higino das Neves “Super-Man”, hatete konaba kursu ida oinsa bele detekta Ro iha tasi no klasifika Ro ilegal sira tanba ne’e atu analiza klean liu ba ekipamentus ne’ebé atu instala iha Hera nune’e atividade ida ne’e espesifiku tebes ba servisu atividade Operasional nian iha tasi Timor hodi minimiza atividade ilegal sira.
“Foku importante liu kursu ida ne’ebé atu sira bele aprende oinsa bele detekta Ro iha tasi depois bele klasifika ro ilegal ka Ro kargu nia ka ro ne’e tula mina nian ka pasaseiro nian atu analiza klean liu ida nee kursu mais avasadu ituan atu sira bele analiza klean liu ba ekipamentos sira ne’ebé atu instala iha Hera Operasaun Maritima ne’e sira bele aumenta konesimentu ituan ba foti data ne’ebe sirkula iha tasi Timor” Dehan Comandante Componente Naval, Comodoro Higino das Neves “Super-Man” iha Novo turismu segunda,(09/03/2026)
Enkuantu, atividade ne’e hetan apoio husi United Nations Office on Drugs and Crime (UNODC’s) atu eleva kapasidade Ministerio relevante sira nia koñesimentu hodi responde ba atividade ilegal sira iha tasi laran
“Apoio husi UNODC’s United Nations Office on Drugs and Crime ne’e importante liu ba ita Timor tanba pais ida ne’ebé foin mak hahu ita iha defikuldade oi-oin ida ne’e ajuda ita atu bele detekta Ro iha ne’ebé aban bairua iha ro ita bele direta ba iha fatin ne’ebé ema halo atividade ilegal depois ita prende liu-liu Ministerio sira ne’ebé involve iha sistema Autoridade Operasaun Agora tuir kursu ne’e hamutuk 25 pessoas mai husi Ministerio Transporte Comunikasaun, Ministro Interior Ministerio Pescas mai husi Ministerio Finansas no Autoridade maritima rasik” nia esklarese
Alende formasaun ida ne’e ba dala 4 ba 5 ona halao iha Timor, detekta Ro lubuk ida ona iha tasi laran maibe kapasidade Ro mak la too hodi hapara ro ilegal sira ne’ebé existe iha Tasi Timor
“Kursu ida nee la’os foin maka hahu maibe kursu ne’e ba dala haat dala lima ona halo iha Timor nee duni sira detekta Ro barak iha tasi hatene maibe ita seidauk iha Ro ida ne’ebe iha kapasidade atu bele hapara atividade ilegal sira Ro sira ne’ebe regista iha Timor loro-loron navega maka valu autorizado registu hotu ona iha Timor agora Ro sira ne’ebé 200 tal ne’e mak halo atividade iha tasi ita nia Timor mais tinan ida Ro ne’ebé sirkula iha tasi 1600 ida hanesan ne’e tinan ida sirkula iha ita nia tasi mais barak liu maka lori mina lori tanke lori kontaner sira ne’e no peska ilegal iha tinan ida ne’e sira detekta Ro lima nulu maka sirkula iha ita nia tasi parte sul nian buat hotu-hotu prontu ona agora falta meius para bele ajuda komponente Naval halo nia misaun liu-liu bele hapara la’os barak kedas maibe reduz atividade ilegal iha ita nia tasi”Hatete Nia.
Xefe Komando Operasional, Comodoro Higino Das Neves, informa prontu ona atu hala’o servisu operasional hodi asegura seguransa iha tasi Timor wainhira Governu Timor-Leste resolve kondisoes Ro ne’ebé paradu ona iha Behau no iha Portu Dili.
“Hau hanesan komando operasional meius hotu-hotu halo ona ne’e desizaun Politika mais Ministru deside ona katak sei fo ro ida iha tempu badak depois sira mos halo ona manutensaun ba ro rua ne’ebe ida iha behau ida iha portu Dili ne’e sira hahu manutensaun iha fulan abril inspesaun hotu ona ita fiar katak ida ne’e bele akontese para depois atividade komponente naval lao durante ro la iha ita koloka ita nia lar ho pote sira ne’ebé ita iha ne’e iha tasi ninin sira ne’e para ajuda ita nia povu deit kuando ita nia povu keta mout karik ita lalais salva ajuda tanba ita la iha kapasidade atu bele halo atividade prinsipal ne’ebé atividade ilegal droga sira translator nasionais sira ne’ebé hala’o iha ita nia rain tanba la iha ro ida kapasidade para ita bele uja ba iha tasi klaran” nia hakotu
Jornalista : Arnaldu Nunes
