Lian Krau Dikur (Dili)-Banco Central de Timor-Leste (BCTL), Ministeriu Comercio no Industria (sigla portugés MCI) hamutuk ho Polisia Nasional Timor-Leste (PNTL) halo sosializasaun ba loja xineza ho super market iha Dili, ne’ebé identifika la simu Moeda 200 Sentavos
Diretora Nasional Regulasaun Comersial no Protesaun Konsumidor (DNRCPC), Manuela Da Silva Tilman, hateten nafatin buka tuir loja sira ne’ebé la simu Moeda 200 Sentavus hodi halo prosesa identifikasaun tanba Governador hasai ona ba publiku katak osan 200 centavu sei nafatin sirkula iha Timor-Leste la iha sidadaun ida rezeita
“Loja balun Ami detekta katak sira lakoi simu Moeda 200 Sentavos entaun ami Sosializa fali foin lalais semana kotuk husi BCTL no MCI fo sai ona iha media entaun ida ne’e ami halo kontinuasaun de’it ohin ami mai fo hanoin ona ba Loja sira katak wainhira iha komprador ruma mak lori Moeda 200 Sentavus entaun obrigatoriamente tenki simu” dehan Diretora Nasional Regulasaun Comersial no Protesaun Konsumidor (DNRCPC), Manuela Da Silva Tilman, hateten ba Jornalista sira iha Fatuhada, Tersa (17-03-2026)
Manuela Da Silva Tilman, Haktuir komprador sira mos tenki simu osan 200 Sentavus bainhira Vendader sira volta
“Ami hakarak fo hanoin ba Komunidade sira Vendador sira se mai sosa sasan iha loja no Super Merkadu bainhira Vendador sira volta osan sira tenki simu tanba Moeda 200 Sentavos la iha Problema” Manuela Haktuir
Nia hatutan, komprador sira hanesan Loja xineza no Super Merkadu sira karik hetan Osan falsu bele lori ba iha banku ida ne’ebé sira rai Osan ba
“waihira sira hetan Moeda ida ne’e la iha Problema sira tenki lori ba hatama fila fali ba iha Banku ida ne’ebé maka sira tau sira nia Osan ba hanesan Banku Central, Banku Mandiri no baku sira seluk ne’ebé sira loke sira nia Rekening ba”Nia Hatutan
Ekuantu Manuela, informa bainhira komprador balun lori Osan 200 Sentavus ba sosa iha loja no Super Merkadu, mak sira la simu no mos Vendadores la simu Osan volta 200 Sentavos entaun sira parte rua iha direitu atu hato’o ba parte Polisia Nasional Timor-Leste (PNTL), Ministeriu Comersiu Indistri (MCI) no Banku Nasional Timor-Leste (BNCTL) hodi Justifika razaun saida mak sira la simu Moeda 200 Sentavos ne’e
Jornalista : Chung
