Lian Karau Dikur (Dili)-Presidente Republika José Ramos Horta hatete, Komerasaun Loron Restaurasaun Independensia Timor-Leste nian ba dala 24 Timor-Leste hanesan jardin ida ba Dame no seguransa ho toleransia iha mundo funu nian
“Rai ida ne’e Timor-Leste konectadu ba mundo Timor-Leste mós hanesan jardin ida ba Dame ho seguransa toleransia iha mundo ne’ebé iha funu, krizi enerjia krizi hahán krizi ekonomia finanseira, dezastre naturál oioin ita paíz ida democraticu respeita liberdade fundamentais” dehan Presidente da Repúblika José Ramos Horta iha Komerasaun Loron Restaurasaun Independensia ba dala 24 iha tasi tolu Dili, Kuarta (20/05/2026)
Ramos Horta haktuir, Timor-Leste mai husi profesionalismu ne’ebé di’ak liu tan husi forsa Defeza no seguransa hodi hametin kooperasaun iha instituisaun sira no hari hametin konfiansa ba komunidade sira.
“Timor-Leste mai husi profesionalismu ne’ebé di’ak liu tan husi forsa Defeza no seguransa no hametin kooperasaun iha instituisaun sira no hari hametin konfiansa ba komunidade sira, hari estadu la’ós liu husi ne’ebé naruk teb-tebes, laiha dalan terik ezise lideransa ne’ebé ho matan vizaun lideransa ne’ebé kualifikadu espirensia maibé mós mehi iha plano bele simu risku no faru ba invazaun”
Nia afirma, Timor-Leste Restaurasaun nia Independensia ba dala 24 hanesan nasaun ne’ebé sei joven afirma an, hatene an, no hamrik nafatin iha iha mundo, ita hametin relasaun ho belu maluk no nasaun vijinho sira.
“Rai ida hanesan joven afirma an ita hatete an ita hamrik nafatin iha mundo ita hametin relasaun ho pais belu maluk sira ho vijinho sira, hametin ita nia presensa iha rejiaun iha plano internasionál ho CPLP ho ASEAN ho forum ida Pasífiku ho grupu G7+ iha sistema Nasoens Unidus ita kumpri adopta Konvensaun internasionál” nia hatete
Entretantu, iha Komemorasaun loron Restaurasaun Independensia Timor-Leste ba dala 24 ne’ebé realiza iha Tasi tolu hetan partisipasaun masimu husi Primeiuru-Ministru Kayrala Xanana Gusmao no Prezidente Repúblika de Timor-Leste, José Ramos Horta, Eis primeiru-Ministru, Taur Matan Ruak no Eis Prezidente Repúblika, Francisco Guterres lu-Olo, ho Membru Governu sira hotu inklui mós povu Timor-Leste tomak.
Jornalista: Felix Fernandes
