Lian Karau Dikur (Covalima)-Asosiasaun Defisiensia Timor-Leste (ADTL), hakbi’it instituisaun membru, liu husi kapasitasaun ba funsionariu Pradet no parseiru Kona-ba Abordazen Inkluzaun Ema ho Defisensia iha Kovalima
Diretor Ezekutivu Asosiasaun Difisiente Timo-Leste (ADTL), Cesario da Silva, hateten formasaun ne’e atu fasilita Parseiru sira hanesan PRADET Suai no Fokupers atu iha koñesimentu diak ba atende Ema ho Difisiensia (EhD) bainhira sira hasoru problema iha komunidade
“Atividade ida ne’e oinsa atu hakbit parseiru sira oinsa atu fasilita sira atu Aborda liu tan Inkluzaun Difisiensia iha sira nia servisu loro-loron” dehan Diretor Ezekutivu Asosiasaun Difisiente Timor-Leste (ADTL), Cesario da Silva, ba Jornalista sira iha Salaun Pradet Suai, Segunda (09/03/2026)
Konsileira Pradet Suai Fatin hakmatek, Cariana Elsa Bareito Amaral, hatete liu husi formasaun ida ne’e oinsa atu hasae funsionariu sira nia koñesimentu ba iha atendementu ba Ema ho Difisiensia (EhD) iha Covalima
“Liu husi Trenamentu ida ne’e oinsa apoiu ami atu ajuda liu oinsa atu halo atendementu konaba Ema ho Difisiensia ne’ebé sira hasoru violensia ne’ebé maka akontese iha sira nia fatin hanesa violensia Domestika, no Abuzu Seksual” Nia informa
Alende, iha durante ne’e Pradet Suai mos ajuda ona Ema ho Difisiensia (EhD) ne’ebé hetan violensia Seksual hodi asegura iha Pradet Fatin hakmatek Suai no prosesa ona suspeitu hetan pena Tinan 20 ba Leten
Jornalista: Chung
