Lian Karau Dikur (Dili)-Atual sekretariu Jeral partidu Fretilin, Mari Bin Amudi Akatiri hateten Sei Aprezenta proposta revizaun estatuto Partidu Frente Revolucionario Timor- Leste Independente (FRETILIN) ho ob jetivu atu fo biban jerasaun foun atu kaer ukun
Lider Nasional ne’e hato’o lia hirak ne’e iha primeia komferensia Juventude Fretilin nian iha salaun Auditoriun Quartel Jeral Fatuhada Dili iha loron sabado 20/12/2025
” Fretilin sei halo Revizaun ba estatuto ho objetivu klaru, katak iha tinan lima mai atu halo tranzisaun ba jerasaun foun atu kaer ukun, hau mos lakohi abn bainrua kaer aitonka mak mai kulia ho imi, ne mak hau dehan iha revizaun estatuto hau sei aprezenta proposta ida kria orgaun ida konsellu transzisaun, orgaun ida ke bele mos iha funsaun atu bele jere plataforma inklusiva interjerasional i ampla”
Eis Preimeiru ministru ne’e mos Fundamenta tan katak, Estatuto Partidu Fretilin nian ida uluk, fo biban de’it ba Prezidente partidu mak bele Kandidatu ba Prezidente republik no Sekretariu jeral mak ba Primeiru Ministru, maibe Agora iha Mudansa boot
” Estatuto uluk ne’e dehan kandidatu ba prezidente da repúblika ne’e prezidente partidu no primeiru ministro mak sekretariu jeral, agora la kulia hanesan ne’e iha mudansa boot komite sentral mak sei foti se mak atu sai kandidatu ba prezidente da Republika ba preimeiru ministru komisaun politika nasional, tanba ne’e kamarada sira iha funsaun para deskuti buat sira ne’e hotu labele hein lideransa mak hatudu fali, hare se mak bele sai kandidatu ba prezidente no se mak bele kandidatu ba primeiru ministru” Alkatiri Hakotu
Tuir Observasaun Jornalista Iha Treinu nota katak iha Konferensia dahuluk juventude Fretlin ne’e partisipa direita husi eis Presidente da Republika no Atul Presidente Fretilin Fransisco Guterres Lu-olo, no hetan Partisipasaun Maximu husi juventude Fretilin
Ekpa kobertura: Lian Karau Dikur
