Lian Karau Dikur (Dili)-Joaquim Roussuo Fonseca, Ofisialmente lansa Kandidatura ba Presidente Republika ba Periodu 2027-2032, hodi hadia integridade institusional estadu nian no hadia dezafiu sira ne’ebé sei at
“Ha’u hakarak koalia ba Timor Oan tomak kona-ba hau nia intensaun atu aprezenta hau nia Kandidatura ba Eleisaun presidensial ne’ebé sei hala’o iha inisiu tinan 2027” dehan Joaquim Roussuo Fonseca iha farol, kinta (23/07/2026)
Nia afirma katak, foti desizaun atu Kandidata an ba Presidente Republika, tanba sentidu responsabilidade hanesan Timor Oan
“Ha’u foti desizaun ida ne’e depois de reflesaun naruk kona-ba situasaun iha ita nia rai, desizaun ida ne’e mai husi sentidu de dever, sentidu responsabilidade hanesan Timor Oan ida, ne’ebé hare ita nia rain ultrapasa hela situasaun ida difisil teb-tebes, Jerasaun Timor-Leste agora dadauk ne’e hasoru desafius estruturais no Governansia bot se ita la halo mudansa melloramentu signifikativu ita la hadia problema sira ne’e, enkuadramentu Jurídiku hadia integridade instituisional Estadu sira nian, desafius sira ne’e sei sai at liu tan” Tenik Joaquim Rossuo Fonseca
Nia hatutan katak, to agora seidauk hari estrutura ba apoiantes iha ba base maibe iha ona liña koordenasaun ho informal lao hela iha Teritoriu Timor-Leste laran tomak
“To agora seidauk hari estrutura iha baze, maibe koneksaun informál lao hela iha Teritoriu Laran Tomak, iha maluk sira ne’ebé mak iha ne’eba hela hodi halo diskusaun ho Joven no komunidade sira” nia dehan
Pre Kandidatura ne’e mai ho nia Slogam, Presidente ba Timor-Leste ida de’it
Jornalista: Felix Fernandes
