Lian Karau Dikur (Dili)-Konsileiro Masimu Partidu Kmanek Haburas Unidade Nasionál Timor Oan (KHUNTO), José do Santos “Naimori Bucar” hateten, konstrui ponte ida ho nia naruk 14 M nia luan 5 M iha Aldeia Laulora, Suku Manleuana hodi fasilita komunidade sira nia movimentu ba mai
Tanba iha tempu udan komunidade liu deit iha mota laran no mos estudante sira, tanba ne’e Konsileiru Masimo P.Khunto konstrui ponte hodi komunidade hotu-hotu asesu liu-liu ba estudante sira hodi asesu ba eskola
Líder Masimu Partidu KHUNTO, José dos Santos “Naimori Bucar” hatete, ponte ne’e hari rasik husi Partidu Khunto nia desizaun nune’e komunidade sira bele asesu tanba komunidade iha aldeia Laulora barak, tanba ne’e hari ponte hodi estudante no komunidade asesu hodi halo nia atividade loron-loron nia
“ponte ida ne’e ita rasik husi partidu Khunto hola desizaun ida atu halo ida ne para asesu ba komunidade sira tanba komunidade sira iha ne barak los entaun iha tempu udan labarik sira la ba eskola tanba liu husi mota laran ida ne’e fo risku tebes ba sira nia vida entaun Khunto hola desizaun ida hodi fasilita komunidade sira nia oan hodi asesu ba edukasaun saúde no merkadu” dehan Konsileiro Masimu Partidu KHUNTO, José do Santos “Naimori Bucar” iha Sede Partidu Khunto Manleuana Dili, kinta feira (05/06/2026)
Konsileiru informa, fo hanoin ba governu hodi halo mos Estrada iha area rural nune’e povu bele asesu, komunidade bele lori nia produtu sira ba fan no estudante sira bele ba eskola
“ida ne’e atu fó hanoin katak Guverno ne’e tenki la’ós hare de’it iha vila tenki hare mós área rurais hanesan ne’e para atu nune’e povu ne’e bele asesu iha ne’eba bele halo tanba ne’e kareta hotu-hotu liu husi ne’ebá maibé iha área rurais sira ne’e povu lori sira nia sasán fan, sira nia oan mós ba eskola ita mós tenki hare “ nia informa
Iha sorin Xefi Aldeia Laulora, Mario Borges Soares, agradese tebes ba lideransa Masimu Partidu Khunto, José do Santos “Naimori Bucar” ne’ebé ho fuan boot harii ona ponte ba komunidade Aldeia Laulora hodi fasilita sira nia movimentu ba mai
“Ami hakarak hato ami nia agradese no hakuak bot ba ami nia aman Naimori nia ho fuan boot duni hakarak ajuda duni ami komunidade parte ida ne’e liu husi ponte ami garantia katak bele fasilita ona ami nia movimentu iha tempu udan” dehan sefi Aldeia Laulora
Xefi Aldeia ne’e haktuir, liu husi ponte ne’e bele fanu IX Governu nia hanoin oinsá ema ida ho nia privadu konstrui ona Ponte no Guverno nia hanoin ba oin atu apoiu tan populasaun iha aldeia ne’e ka lae
Entretantu totál populasaun iha Aldeia Laulora, Suku Manleuana uma kain hamutuk 868 asesu ba ponte ne’e
Jornalista: Felix Fernandes
