Lian Karau Dikur (Dili)-Partidu Kmanek Haburas Unidade Nasionál Timor Oan (KHUNTO) hetan vizita husi Sekretáriu Jerál Partai Demokrat Indonesia-Perjuangan (PDI-P), Hasto Kristiyanto ho nia Delegasaun sira iha sede Partidu KHUNTO Maneluana.
Konsileiru Masimu Partidu Kmanek Haburas Unidade Nasionál Timor Oan (KHUNTO), José do Santos “Naimori Bucar” hatete liu husi vizita Sekretáriu Geral PDI-P ne’e planu husi Prezidente da Republika, Jose Ramos Horta ligadu ho Ibu Megawati nian ne’ebé sei vizita Timor-Leste iha fulan oin mai
“Ohin sorumutu ne’e plano husi Prezidente Repúblika nian rasik tanba iha fulan oin Ibu Megawati sei mai vizita Timor-Leste atu simu Kondekorasaun husi Prezidente Repúblika de Timor-Leste inklui mós sira mai vizita partidu Khunto sai hanesan nasaun ne’ebé mak Bileitar entre Timor leste ho Indonésia tanba nasaun rua ne’e sai hanesan maun ho alin entaun ita tenki hatudu ita nia amizade husi partidu Khunto ba partidu PDI-P” dehan, Konsileiro Masimu Partidu KHUNTO, José do Santos “Naimori Bucar” iha sede partidu Khunto Manleuana, kinta (04/06/2026)
Konsileiru Masimu haktuir, liu husi sorumutu ne’e PDI-P nia hakarak partidu Khunto nia kultura no polítika tenki hanesan mós PDI-P nian ne’ebé sira gosta moris hamutuk ho povu no defende povu kiak sira no ema vulneravel sira
“sira nia hakarak mak Khunto nia kultura no polítika hanesan PDI-P sira ne’ebé gosta moris hamutuk ho povu sira mós gosta depende povu kiak sira, ne’ebé mak ema husik hela Khunto nia luta mós hanesan sira hakarak hadia povu para hatur iha nasaun ne’e ho dignu tanba sira nia moris mos tenki hanesan mós nasaun seluk “
Iha sorin seluk Prezidente Partidu Kmanek Haburas Unidade Nasionál Timor Oan (KHUNTO), Armanda Berta dos Santos afirma, liu husi vizita Partai Demokrat Indonesia- Perjuangan (PDI-P) nian ne’e bele sai hanesan pontu hahú ida ne’ebé forte hodi hametin kooperasaun internasionál entre KHUNTO no PDI-P
“hein katak liu husi vizita ida ne’e bele sai hanesan pontu hahú ida ne’ebé forte liu atu bele hametin kooperasaun internasionál entre Khunto ho PDI-P iha futuru oin ami loke oportunidade ba troka esperiénsia polítika kooperasaun intutuisional dezenvolvimentu ba lideransa foun sira” nia dehan
Entretantu iha vizita ne’e hanesan Sekretáriu Geral PDI-P, Hasto Kristiyanto ho nia Delegasaun mak hanesan Andreas H. Pareira hanesan Deputadu PDI-P, Andi Widjajanto hanesan asesor Señór da Prezidensiál PDI-P no Hanjaya Setiawan hanesan asistensia Pesoall
Iha vizita ne’e simu direta husi Konsileiro Masimu Partidu Khunto, José do Santos Naimori Bucar no Prezidente Partidu Khunto, Armanda Berta dos Santos inklui Deputadu husi partidu khunto nian no Estrutura Nasionál Partidu Khunto
Jornalista: Felix Fernandes
