Lian Karau Dikur (Dili)-01/06/2026 eskola kameli timor school hamutuk Fundasaun Santa Maria Regina (FSMR) realiza kompetisaun desporto kulinaria hodi selebra l (Dia das Crisças) loron ba labarik
Diretora Eskola Kameli Timor internasionál School Rini F.A.da Cruz husu ba governu atu tau matan ba atividade estudante sira atu labele lakon oportunidade hodi aprende
“ha’u husu governu atu suporta di’ak liu tan atividade estudante sira tanba agora dadaun ita hatene katak iha dezenvolvimentu iha teknolojia tanba ne’e husu governu tenki fasilita ita estudante sira labele lakon oportunidade sira” dehan Diretora Kameli Timor Internasional
Iha fatin haneesan Diretor Fundasaun Santa Maria Regina (FSMR) Azevedo Marcal, sublina tan katak tan katak, governu tenke tau matan eskola sira privada sira tanba loke eskola laos negosiu
“Futuru ba nasaun nian mak ema tanba ne’e ita tenki tau matan ba sira nia edukasaun husi Nivel pre-eskolar to Nivel universitario buat ida importante mak Timor oan sira ne’ebé mak ho inisiativa rasik ho osan rasik harii eskola favor Guverno apoiu tanba loke eskola la’ós Bisnis maibé loke eskola atu kontribui ba nasaun” dehan diretor fundasaun FSMR
Diretor ne’e afirma tan katak, eskola privadu sira mos kontribui ba edukasaun nune’e governu labele tau matan de’it ba eskola publiku maibe tau matan mos ba eskola privadu sira
“Husi parte privadu sira fo ona sira nia kontribuisaun ba area edukasaun entaun husu para Guverno labele tau matan de’it ba eskola públiku sira maibé hare mós eskola privadu ne’ebé ho inisiativa di’ak envolve sira mós iha prosesu sira ba oin no labele Difikulta eskola privadu sira“ nia hakotu
Jornalista: Felix Fernandes
