Lian Karau Dikur (Dili)-Partidu Os Verdes de Timor (PVT) ho Partidu Unidade Dezenvolvimentu Demokratiku (PUDD) laiha kandidatu ba Presidente Republika maibe sei fihir no fo apoiu ba figura diak ne’ebé kandidatu independente ba Elisaun Prezidensiál 2027-2032
Prezidente Osverdes de Timor (PVT), Antonio Lela-huno Cruz hatete, kona-ba Eleisaun Prezidensiál 2027, Os Verdes sei laiha kandidatura maibe fo apoiu ba kandidatura independente ne’ebé ho figura diak
“Kona-ba eleisaun prezidente nian partidu os verdes ami sei laiha kandidatura ami sei hare oinsá mak bele apoiu kandidatura sira ne’ebé mak independente atu nune’e bele ami nia kontribuisaun tuir ami nia kbiit ba kandidatu independente sira” dehan Presidente PVT, António Lela-huno da Cruz iha Salaun Laline larigutu Domingo (31/05/2026)
Nia haktuir, iha figura Independente lubuk ida mak halo aproximasaun ona maibe hein Presidente Republika Dekreta hafoin partidu Os Verde hare figura ne’ebé diak hodi fo apoiu
“iha figura independent lubuk ida mak ami halo aproximasaun koalia desizaun final ami seidauk deside ami hein katak prezidente Repúblika Dekreta hanesan partidu ami sei fo apoiu kandidatura ida Os Verdes Rasik Laiha kandidatura” nia hatete
Nia Haktuir, Partidu Os Verdes Timor (PVT) koligasaun ho Partidu Unidade Dezenvolvimentu Demokratiku (PUDD) sei prepara rekursus partidu nian hodi hasoru Eleisaun Parlamentár ne’ebé sei mai no fiar katak sei hakat bareira iha tinan 2028
“PVT ho PUDD iha baze eleitoral hamutuk 46 Mill baze 46 Mill bele tun wainhira ita la konsolida di’ak nia bele tun se nia tun ho persentagen ne’ebé di’ak ita nafatin asegura bareira eleitoral ne’e iha 2028 ida ne’e mak ami fiar katak se koligasaun rua ne’e hamutuk iha posibilidade boot bele ultrapasa bareira iha eleisaun parlamentár” nia esplika
Nia mós rekomenda ba kuadros no militantes Partidu Os Verdes nian atu fuan metin nafatin no servisu makas hodi hakat bareira iha eleisaun tuir mai
Jornalista: Felix Fernandes
