Lian Karau Dikur (Dili)-Instituto Nasional kombate HIV-SIDA (INCSIDA) halo sensibilizasaun kona-ba moras HIV-SIDA no transformasaun Virus HIV-SIDA ba estudante Eskola Sekundariu Jeral Nicolau Loubato hodi halo teste ran no hapara husi sexu livre tanba moras HIV-SIDA kona la iha Aimoruk hodi kura
Presidente Instituto Nasional Kombate HIV-SIDA (Sigla Portugé INCSIDA), Daniel Marçal hateten, kordena ho edukasaun no eskola sira atu partilla imformasaun hodi prevene no estudante labele sex livre, tanba sexu livire bele daet lalais husi relasaun sexual.
“Ita mai kordena ho eskola sira kordena ho edukasaun, para informa ba alin sira labele tama iha atividade ida sex livre ne’e, droga laiha, husi daun mos laiha, barak liu daet husi relasaun Sexual, ita mos mai konvense sira atu ba tes ran lalais, para virus HIV iha ona sira nia isin, Tratamentu atu labele monu ba SIDA, sira moris ho HIV iha tempu naruk nia laran, se lae ema kuandu kona HIV daet ba SIDA mate lalais aman sira kona HIV daet Inan no daet ba oan, tanba ne’e buat ida tes ran ne’e importante tebes” dehan Presidente Instituto Nasional Combate HIV-SIDA (INCSIDA), Daniel Marçal iha Eskola Nicolau Lobato Komoro Dili, Kinta (26/03/2026)
Nia haktuir, dadus husi Ministeriu Saúde (MS) hamutuk 2.560 husi numeru ne’e maioria idade 15 too 45 inklui mos estudante sira tanba ne’e husu estudante habesk ba saude hodi halo tratamentu liu husi teste ran
“ida barak liu ne’e mak 15 to 45 anos inklui estudante sira, ne’e mak fo hanoin ba ita servisu makas, to 30 Dezembru 2025 dadus husi ministerio Saúde iha ona 2.560, tratamentu Ministerio saude halao hela” nia Afirma
Diretur Eskola ESG Nicolau Loubato, Rui Pires hatete, agradese ba Instituto Nasional Combate HIV-SIDA hodi partilla imformasaun konaba moras HIV-SIDA ba estudante no professor sira tanba dadaun ne’e sosiedade sai afeita ba Virus ne’e
“Ita lori Eskola, professor hotu hotu ho estrutura ita agrdese ba Sua exilencia tanba bele fahe informasaun sira oinsa atu bele evita buat ne’ebé ita hotu-hotu la gosta, dala ida tan hau agradese ba buat hotu ne’ebé Presidente instituto Nasional kombate HIV-SIDA hato’o ona ita boot sira” nia dehan, Diretur ESG Nicolau Loubato
Representante Estudante ESG Nicolau Lobato, Estefania Maria Martins, argumenta senti kontente tanba bele rona informsaun sira kona ba HIV-SIDA ne’ebé durante ne’e la iha parte ruma hodi fahe imformasaun ba moras ne’e,
“hau nu’udar estudante senti kontente tebes tanba ami hatene informsaun ne’ebé mak durante ne’e ami la hatene liu-liu ba iha HIV-SIDA, liu husi formasaun refere bele hasae hau nia koñesimentu ba moris saudavel, depois hau rona informasaun pontos importante ne’ebé mak hau halo, oinsa mak hau bele partilla fila fali informsaun sira ne’ebe hau rona ba famlia no komunidade sira”
Jornalista : Arnaldu Nunes
