Lian Karau Dikur- Bee Timor-Leste. Empreza Publika (BTL.EP) hatudu katak iha dadus estatistika kauze %98 komunidade asesu bee matan no bee posu maibe Timor-Leste foin atinji kanalizasaun bee %48 tanba ne’e husu ba lider komunitariu no komunidade tau konsiensia hodi kuidadu bee tanba bee sai asuntu importante ba ema nia moris
Prezidente Konsellu Administrasaun Bee Timor Leste, Empresa Publika, (BTL.EP), Gustavo da Cruz, hateten husu ba estadu, autoridade lokal no populasaun hotu iha obrigasaun tomak atu kuidadu bee, tanba bee sai importante ba atividade moris loro-loron nianÂ
“Selebrasaun ida ne’e la’os atu bele bolu ita hotu-hotu mai atu halo eventu ida kontenti ba malu halo ita hamnasa maibe nafatin iha obrigasaun husi entidade hotu-hotu tantu instituisaun direta do Estado no mos indireto do Estado sira hamutuk ho ita nia lideransa komunitario lideransa lokal sira atu fo hanoin ba malu nafatin katak bee ne’e importante tebes ba ita nia moris” dehan Presidente BTL.EP, Gustavo da Cruz, iha CNE kolmera Dili, segunda (23/03/2026)
Hatete, husi dadus estatistika kuaze %98 komunidade asesu ba bee matan no bee posu maibe Bee Timor-Leste Empreza Publika (BTL.EP) kanalizasaun bee foin atinji %48
“ita nia nasaun ne’e ita foin atinji serka de 48% kobertura enjeral ita hare husi dadus estatistik kuase 98% katak ita nia komunidade sira asesu bee husi bee matan bee posu sira ne’e kobertura enjeral maibe enkanalizasaun publika ne’ebé BTL.EP jere foin maka 48%”
Presidente Autoridade Munisipio Dili, (PAMD) Fransisco dos Santos hatete, Bee Timor-Leste. Empreza Publika (BTL.EP) foin eziste tinan lima iha ona progrsesu servisu ne’ebé diak no desafisiu sira, BTL.EP tenke forti iha servisu
“Ita hotu-hotu hatene katak bee maka fo moris ba ita, mundo tomak selebra loron ida ohin tanba bee importansia ba ita nia moris BTL.EP foin moris tinan lima ba kotuk ho progressu sirvisu ne’ebé maka diak no mos dezafius sira ne’ebé enfrenta problema kompleksu tebe-tebes hau hatene muito bem problema bee nian liu-liu iha Dili ita boot sira hatene hakoi kanu kee kanu monta kanu iha Dili laran pressisa servisu forti ida BTL.EP” Afirma Presidente autoridade Dili
Iha sorin seluk, Xefe Suku Bidau Santana Alexandrino Mesquita da Costa Bras argumenta, ba Bee Timor Leste Empresa Publika, (BTL.EP) atu esforsu servisu hodi kanaliza Bee ba komunidade sira
“husu nafatin ba BTL.EP atu nafatin esforsu ita boot sira nia an liu-liu ba tekniku sira ne’ebé maka tun diretamente oinsa bele kanaliza bee la’o tuir nia dalan atu nune’e komunidade sira asesu” dehan Xefe Suku Bidau
Jornalista : Arnaldu Nunes
