Lian Karau Dikur (Dili)– Vise Xefe Estadu Major Jeneral, Calisto Santos “Coliati”, hatete husu ba Membru Falintil-Forsa Defeza de Timor-Leste (F.FDTL) ne’ebé aumenta Devisa atu asume ho responsabelidade atu Servi Povu no nasaun laos atu aumenta Dapur iha uma kain
“Falintil Forsa Defesa Timor-Leste(F-FDTL) fo ita boot sira hetan tan passu ida hakat ba oin aumenta Postu ida signifika aumenta tan responsabilidade boot iha ita boot iha ita boot sira nia kabas, ba promovidu sira aumenta postu aumenta la signifika katak tenke aumenta tan dapur ho passu ida ne’ebe ita boot sira hetan atu servi ita nia instituisaun atu servi ita nia familia atu servi ita nia rain” Dehan Visé Xefe Estadu Major Jeneral Calisto Santos Coliati, iha Kuartel Geral Fatuhada
Coliati Sublina, tempu besik sei entrega Instituisaun Falintil-Forsa Defeza de Timor-Leste (F.FDTL) ba jersaun foun sira tanba sira nia tama ona ba idade reforma
“Ami katuas sira ne’e iha ona reforma ami substitui hela instituisaun ida ne’e ba ita boot sira nia liman katak entrega hela Timor ba imi nia liman Timor atu lao ba oin ka lao ba kotuk ne’e defende ba imi nia kareira” sei hare liu husi ita boot sira nia komportamentu ita boot sira nia prosedimentu ao longo da 5 anos ezistensia hanesan forsas da armadas” hetete Coliati
Iha sorin seluk, Tenente Coronel, Manuel Freitas “Mau-Buti” hateten, senti orgullu tebes tanba Instituisaun Falintil-Forsa Defeza de Timor-Leste (F-FDTL) rekoñese dedikasaun tomak ne’ebé halo ba Intituisaun F.FDTL durante hakna’ar an iha F-FDTL
“Hau kontenti tanba hau servi ba rai ne’e hahu husi hau nia tinan 19 agora tama ba 69 hau hanoin kontenti naton ona para hau bele ba deskansa, hau ba servisu iha liur hau konsege hetan sira uluk ami tiru malu iha fatin-fatin hau konsege hetan hotu sira konta ba historia ne’ebé tiru malu liu ba ne’e hau kuandu misaun atu remata ne’e ministru Defesa ita nia sua exlensia Ministro Defesa hateten tan aguenta tinan tolu iha ne’eba hau dehan naton ona para hau ba deskansa ita katuas ona ” Afima Mau-Buti
Coronel Mau-Buti, husu ba jerasaun foun atu disipliña no hatudu Komportamentu ne’ebé diak hodi servi Instituisaun Falintil-Forsa Defeza de Timor-Leste (F.F.DTL)
“Jerasaun foun sira mantein nafatin disipliña komportamentu diak tanba Timor ne’e entrega ona ba sira nia liman hau hanoin saida maka ami halo durante tinan 25 ne’e sira hotu aprende ona ho ami hatene ona ami hanoin sira bele ona” Hakotu Mau-Buti.
Jornalista : Arnaldo Nunes
