Lian Karau Dikur (DILI)- Fundasaun Hadomi Timor (FHT) Loke Formasaun daruak konaba seguransa dijital iha Timor-Leste hodi formador sira bele iha koñesimentu klean konaba seguransa Dijital ne’ebé agora daudaun sai impaktu boot iha media sosial konaba utilizasaun AI
Diretór Ezekutivu Fundasaun Hadomi Timor (FHT), Abrão Monteiru Hatete treinamentu ne’e kontinuasaun husi tinan 2025 nian tanba ne’e rekontinuasaun ba loron 2 hahu 12-13, formasaun ne’e organiza husi Fudasaun Hadomi Timor (FHT) no apoiu husi The Asia Fundation (TAF), ho objetivu atu lori ba komunidade iha munisipiu sira no grupu vulneravel sira ne’ebé fo ameasa ba seguransa dijital ne’e
“Hau hanoin treinamentu ne’e hanesan ita kontinuasaun hosi treinamentu tinan kotuk ho objetivu para materia ne’ebé ami fo ba sira labele to deit iha sira entaun ami halo dala rua ne’e para sira iha duni koñesimentu ne’ebé mak klean, koñesimentu ne’ebé mak diak duni tanba ami nia objetivu prinsipal ida atu sira bele lori koñesimentu ne’ebé sira hetan ba iha sira nia komunidade ba iha sira nia munisipiu sira ba iha grupu sira ne’ebé konsidera vulneravel liu ba iha ameasas AI sira ne’ebé akontese” dehan Diretór Ezekutivu FHT, Abrão Monteiru iha The Asia Fundarion Timor-Leste, Kasian Room pantai kelapa, kinta (12/02/2026)
Nia haktuir, Alende iha treinamentu ne’ebé iha tinan 2025 kuaze materia % 75 ho materia ida ne’e aumenta CCNG ne’ebé seguru liu hodi proteje sira nia privasidade no proteje dadus ho inklui AI ninian nune’e bele identifika oin Falsu (fake face) liu husi AI sira ne’ebé edit ema nia video no foto hodi halo desturbasaun iha media sosial.
“Entaun iha treinamentu ida ne’e iha tinan kotuk kuaze pursentu hitu nulu resin lima (75%) sei nafatin hanesan, iha treinamentu ida ne’e aumenta deit buat balun liu-liu oinsa sira bele uza CCNG ne’ebé mak seguru liu atu bele proteze sira nia privasidade, atu bele proteze sira nia dadus, ami hahu inklui mos AI ninian, oinsa mak sira bele identifika ba iha fake face ( oin falsu) sira, atu identifika cloning lian sira atu sira labele fasil fiar imajen ka video ruma ne’ebé mak ema edit husi AI publika iha media sosial hodi bele halo destorbu públiku iha media sosial sira”
Enkuantu liu husi treinamentu aumenta koñesimentu no garantia ba servisu AI nian ne’ebé koalia konaba seguransa Online, seguransa dijital nune’e uja AI bele seguru ho diak.
“entaun koñesementu ne’e ami garantia sira bele iha koñesementu naton ba iha servisu AI ninian, liu-liu agora ita ko’alia kona-ba seguransa online/seguransa dijital entaun ami ami ko’alia kona-ba ninia parte ameasas ou parte seguransa nian, oinsa sira bele sente katak seguru duni bainhira sira uza AI, bainhira ema uza AI halo buat rumaba ameasas ka edit ema nia video foto ruma hodi bele halo estraga imajen sira iha públiku karik sira mos bele identifika ida ne’ebé mak los no ida ne’ebé mak la los, iha treinamentu ne’e AI maka materia foun hodi aumenta ba materia tinan kotuk nian” Abrão esplika
Ekipa kobertura: Lian Karau Dikur
