Lian Karau Dikur (Dili)-Hospital Nasional Giudu Valadares (HNGV) halo selebrasaun ba Loron Mundial ba Ema Moras ba dala XXXIV no loron padroeira Hospital Nasional Guidu Valadares (HNGV) Nossa Senhora de Lourdes.
Vise-Ministru Saude Operasionalizasaun Ospital (VMSOO), Flavio Brandão Mendes de Araújo, hatete ohin loron Mundial ba Ema Moras ne’e iha mos loron refleksaun ba ema hotu hodi halo servisu no atendimentu ba pasiente sira ne’e ho diak
“Ohin ita hotu-hotu mai iha fatin ida ne’e atu selebra loron mundial ba ema moras, ne’e laos deit ita selebra maibe uza mumentu ida ne’e hanesan loron reflekasaun ida ba ita hotu-hotu oinsa maka ita bele halao diak liu tan ita nia servisu,”hatete Vise-Ministru Saúde ba Operasionalizasaun Ospitál (VMSOO), Flávio Brandão Mendes de Araújo, ba jornalista sira liu husi deskursu iha HNGV
Nia dehan, ba Profisional Saúde sira hanoin katak domin ne’e hanesan meus tratamentu boot ida ba Pasiente liu husi ita karakter komunika ba pasiente ne’ebé fuan ho domin
“Ita laos uza deit ekipamentu mediku, Ai-moruk, maibe oinsa mak maka pesoal saúde sira oinsa maka reflekta duni karakter domin, kuandu domin ne’e enerjia Tuhan, energi cinta ne’e enerjia penembuhan, sei ita servisu henesan kewajiban ida, maibe laiha domin ne’e labele,”nia Informa.
Nia saúde ne’e tenke lao ho modalidade tolu maka hanesan Pengobatan dan Pengembuhan, no fiziku mental ho espiritual mos, tanba ne’e tenke hahalok ne’ebé saudavel hodi fo atendementu ba pasiente sira ne’ebé baixa iha Hospital Nasional Giudo Valadares (HNGV).
Alende ne’e ita moris labele hamosu odiu figansa, hirus malu tanba ne’e presiza tau domin hodi nune’e halo tratamentu ba pasiente mos bele senti nia moras ne’e bele kura no senti nia moras kaman.
“Ita labele moris ho enerjia odiu, figanza, enerjia hirus, sei ida ne’e maka iha ita, entaun espasu ba ita laiha ona domin, sei wainhira pasiente ida mai halo tratamentu ne’ebé diak signifika nia dehan hau hetan duni ona penembuhan,”nia Informa.
Representante Pasiente, Laurinda Olida de Pinto, hatete hamrik nu’udar representante pasiente sira hotu ne’ebé baixa iha Hospital Nasional Giudo Valadares (HNGV), fo agradese ba Profesional Saúde sira hamutuk hodi tau matan ba no fo tratamentu ba pasiente sira ne’ebé baixa iha HNGV.
“Ami la senti katak ami Mesak, tanba ami senti ita boot sira nia meneira simu ami iha odamatan permeiru, ida ne’e ami senti tiha ona katak uma ne’e ami nian, tanba ita boot sira nia atendementu ba ami molok fo aimoruk ba ami, ne’e ami senti ona ita boot sira nia domin ba ami katak ami la senti mesak maibe ami mos parte iha ita boot sira nia moris,”nia hakotu
Ekipa kobertura: Lian Karau Dikur
