Lian Karau Dikur (Dili: 09/Fevereiru/2026)– Relasiona ho problema kandidatu kadetes PNTL foun hatama Karta Petisaun ba Parlamentu Nasional (PN) no Primeiru Ministru (PM) iha fatin ne’e Primeiru Ministru (PM) Xanana Gusmão bolu kedan Ministru Interior (MI) Francisco Guterres ba iha Palacio Governu hodi buka solusaun.
Ministru Interior (MI)Francisco Guterres iha Segunda Feira 09/02/2026 ne’e mais ou menus toku 15:00 halo enkontru ho Primeiru Ministru (PM) Kayrala Xanana Gusmão iha Palacio Do Governu Dili
Enkuantu Jornalista sira atu konfirma ho Ministru Interior (MI) Francisco Guterres kona-ba objetivu husi enkotru ho Primeiru Ministru (PM) Kayrala Xanana Gusmão, nune’e Ministru Interior (MI) Fracisco Guterres hatan katak, iha loron kuarta mak sei koalia sai ba publiku konaba asuntu ne’ebé hasoru malu ho Primeiru Ministru (PM)
Porta-voz, Deolando Mendonça, hateten kandidatu kadetes foun Polisia Nasional Timor-Leste (PNTL) tinan 2025 konfirma karta petisaun ne’ebé aprezenta ba Primeiru Ministru (PM), Xanana Gusmão bolu ona Ministru Interior (MI), Fransisco Guterres hodi halo diskusaun
“Karta ida ami entrega ona ba iha sua exlencia Primeiru Ministru depois ohin sua exlensia Primeiru Ministru hare ona, bolu ona instituisaun relevante hanesan Ministerio Interior mai ona halo ona diskusaun, ohin ami rona ona katak Quarta sei fo sai rezultadu diskusaun” esplika Deolando
Porta-voz Salienta, sei la fo fatin ba kadetes foun PNTL 400 ne’ebé pasa ba teste mediku, bainhira seidauk hetan rezultadu ba karta petisaun ne’ebé aprezenta ba Parlamentu Nasional (PN) no Primeiru Ministru (PM)
“ami sei nafatin monitoriza katak 400 pessoas ne’ebé mak abansa ba teste mediku ne’e labele ba lai, se kuandu 400 pessoas ne’ebe avansa ba teste mediku ami sei halo greve, ami iha razaun klaru, tanba sa karta petisaun ami hatama ona ba parlamentu Nasional depois ami hato’o ona ba Primeiru Ministru maibe tanba saida mak 400 pessoas ne’e avansa ba teste mediku nafatin, ami sei tenta monitoriza nafatin atu nune’e 400 pessoas ne’e labele ba tuir teste lai kuandu ami nia problema seidauk iha solusaun” nia hakotu
Ekipa kobertura : Lian Karau Dikur
