Lian Karau Dikur (DILI)– Porta Voz, Deolando Mendonça hateten, hamutuk ho Kandidatu Kadetes Polisia Nasional Timor Leste (PNTL) Foun tinan 2025, ne’ebé la pasa ba teste mediku hamutuk hodi hatama karta petisaun Parlamentu Nasional (PN) ba komisaun B ne’ebé trata asunto defeza no seguransa nian mos ba Gabinete Primeiru Ministru (GPM) nian
“ohin loron segunda, primeiru ami mai hasoru Parlamentu Nasional ami konsege hatama ona karta petisaun Presidente Parlamentu Nasional, ho entrega ba komisaun B ne’ebé trata Asunto Defesa no Seguransa nian para bele hasoru ami iha tempu intervalu plenariu nian” dehan porta Voz, Deolando Mendoça iha Palasio Governu, segunda (09/2/2026)
Porta-voz haforsa katak, iha karta petisaun ne’e mensiona evidensia sira kona-ba rezultadu publikasaun ba kadeste foun Polisia Nasional Timor-Leste (PNTL) iha tinan 2025 too 2026 tanba ne’e karta rua ida hatama ba Parlamentu Nasional (PN) no Gabinete Primeiru Ministru (GPM).
“iha karta ne’eba ami hakerek mak ami nia ezijensia ami nia preokupasaun no argumentu no evidensia, ami iha karta rua ida hatama ba Parlamentu Nasional no ida hatama ba Primeiru Ministru” nia hateten
Porta-Voz hatete, bainhira karta petisaun ne’e la iha resposta husi Paralamentu Nasional (PN) no Primeiru Ministru (PM) mak kandidatu kaderes PNTL foun sei halo karta no organiza masa husi kadetes 13 munisipiu inkli RAEOA, Universidade, sosiedade Sivil no inan aman sira hodi halo demostrasaun
“Karta petisaun ne’ebé hatama tuir Lei hatete mak laiha resposta, ami tama ba iha fase desmostrasaun, iha fase desmostrasaun ne’e ami sei hato karta ba ba iha Universidade sira hotu, inklui Sosiedade sivil, ba kandidatus sira hotu bele mos ba inan aman sira hotu,” nia hakotu
Alende husi karta petisaun ne’e Porta-voz ho nia membru nain 5 hetan kontaktu husi Gabinete Primeiru Ministru (GPM) hodi fasilita hasoru Primeiru Ministru halo dialogo.
Nune’e hatan preokupasaun husi kandidatu kadetes PNTL foun ne’e Primeiru Ministru sei hasoru malu ho Ministru interior iha tuku 3:00 lokraik hafoin Primeiru Ministru (PM) foti desizaun.
Ekipa kobertura : Lian Karau Dikur
