Lian Karau Dikur (DILI)-Sekretariu Estadu ba Formasaun Profisional no Empregu (SEFOPE) hamutuk ho Embaixada Nova-Zelandia asina deklarasaun ba traballador Timor oan nain 10 molok aranka ba halao servisu iha Nova-Zelandia.
Sekretariu Estadu Ba Formasaun Profisional no Empregu (SEFOPE), Rogerio Mendonca, hateten Sefope sei esforsu maka’as hodi redus desempregu iha Rai laran, tanba ne’e nia husu ba Traballador sira nafatin hatudu hahalok ne’ebe diak iha Nasaun Nova Zelandia
“Numeru Traballadores ne’ebe Mak atu aumenta ou Menus iha imi nain 10 nia Liman tanba Ida ne’e ha’u husu nafatin ba imi hodi bele Servisu ho responsablidade, hatudu imi Nia komitmentu ne’ebe maka Nasaun deposita fo imi” Dehan Sekretaria Estadu Ba Formasaun Profisional no Empregu (SEFOPE) Rogerio Mendonca iha Salaun City 8, kuarta (04-02-2026)
Reprezentante Familia husi Traballador, Graciana Herculano, senti kontenti ho Guvernu Timor-Leste tanba bele servisu hamutuk ho Embaixada Nova-zelandia iha Timor-Leste hodi haruka sira nia familia ba servisu iha Nasaun Nova-Zelandia
Alende representante familia husu ba governu Timor-Leste hodi nafatin halo kooperasaun ho nasaun sira seluk hodi fo oportunidade ba Timor oan sira bele halo servisu iha sira nia Nasaun
“Ami Agradese ba Guvernu Timor-Leste no Embaixada Nova Zelandia, tanba bele fo oportunidade ba ha’u nia katuas oan no nia maluk nain 9 hodi ba servisu iha Nasaun Nova Zelandia, ida ne’e sei loke oportunidade diak ida ba Joven Timor-oan sira no ami nia mensagen ba Guvernu Timor-Leste, espera ita boot sira nafatin servisu hamutuk ho Nasaun sira seluk atu fornese oportunidade ba maluk Timor-oan barak” Informa Familia Traballador, Graciana Herculano
Entretantu Timor-Oan 10 ne’ebe sei ba Servisu iha Nasaun Nova Zelandia, iha Area Holtikultura
Jornalista : Moises Madeira
