Lian Karau Dikur (Dili) – CEO Agencia Zeus Travel, Julio da Costa Oliveira Pinto hatete, apoiu osan ho montante Dolar rihun ida Atus Rua sanulu resin ne’en $.1216 ba atividade torneu ne’ebé realiza husi Estudante Universidade Dili (UNDIL)
“Orsamentu ne’ebe ami apoiu ba atividade iha UNDIL bazeia ba pedidu ne’ebé sira haruka mai, sira nia pedidu husu osan ho total dolar rihun ida Atus rua sanulu resin neen” dehan CEO Zeus Travel Julio Da Costa Oliveira Pinto, iha Kintal boot, Tersa (03/02/2026)
CEO Ajensia Zeus travel mos haktuir tan katak atividade ida apoiu ne’e laos foin, maibe antes ne’e mos halo ona apoiu ba iha asosiasaun Cristaun no sira seluk tan.
CEO ne’e mos husu ba Estudante UNDIL atu bele koalia ho Reitor ka Vise Reitor oinsa mak Zeus Travel bele koalia ho Reitor UNDIL bele halo akordu ida atu nune’e Zeus Travel sai parseiru ba ba Universidade Dili.
” ba imi nia Pedidu ne’ebé husu Zeus atu sai imi parseiru, ami husu bele karik ami bele hasoru Reitor ka vise Reitor para ita halo akordu mutual ida para ita bele kesi malu atividade tinan oin iha karik ami fo apoiu” nia informa
Iha sorin seluk estudante UNDIL liu husi Senado Jeral, Jojo Freitas Hato’o agradese ba Ba Ajensia Zeus Travel ne’ebé apoiu orsamentu ba estudante UNDIL hodi realiza Torneu
“Primeiru ami agradese ba Zeus Travel ne’ebé fo ona apoiu ba ami nia atividade, atividade ne’ebé mak ami atu halo mak hanesan diskursu publik, seminariu nasional, jogu desportu ba feto no mane,
Senado Jeral ne’e mos fo nia Parabens ba Zeus Travel tanba proposta ne’ebé hatama iha resultadu ne’ebé diak
“Dala ida tan ami fo parabens ba, Ajensia Zeus Travel ne’ebé apoiu ona osan ba ami nia atividade, grasa tanba ami nia proposta ne’ebé ami submete hetan rezultadu, espera katak ba oin Zeus ho Universidade Dili se halo parseiru ne’ebé mak diak, tempu badak Zeus Travel sei marka audensia ho ami nia Vise reitor tres asunto Estudantil, hodi toka kona-ba oinsa atu halo Parseiru” hakotu Senado UNDIL
Ekipa kobertura : Lian karau dikur
