Lian Karau Dikur (Dili)– Sekretáriu Estadu Formasaun Profisionál no Empregu (SEFOPE), hamutuk ho Embaixador Austrália ba Timor-Leste, lansa ofisiálmente ba Programa Pacific Australia Skills (PAS) iha Timor-Leste, hodi hasae joven sira nia abilidade inklui mos Ema Ho Defisiensia (EhD) iha Timor-Leste
Sekretaiu Estadu Profisional no Emprego (SEFOPE), Rogério Mendonça hateten, programa Pasific Australia Skills (PAS) ne’e mak onra boot ida ba Timor-Leste, no reflete hametin parseria iha tempu naruk entre Timor-Leste no Austrália hodi asegura sistema formasaun ligadu ho empregador sira iha Timor-Leste
“Programa Pacific Australia Skills reprezenta pasu tuirmai iha evolusaun ida ne’e inisiativa ne’e lidera lokálmente no hetan apoiu hosi Austrália atu asegura katak ami nia sistema formasaun liga direta alunu sira ho empregadór sira,” hateten Sekretariu Estadu Formasaun no Empregu (SEFOPE) Rogério Mendonça iha Palm Springs Hotel Fatuhada, kinta (12/02/2026)
Govenante ne’e mos afirma tan katak Programa pasrific Australia Skill (Pas) ne’e importante tebes, atu bele fo oportunidade ba Timoroan sira ho Ema ho Defisiensia (EhD) atu bele aumenta sira nia abilidade iha formasaun profisionál ho kualidade aas.
Nia hatutan, Governu Timor-Leste sei kontinua servisu hamutuk ho Governu Austrália no parseiru sira seluk atu garante abilidade no edukasaun sai fundasaun ba kresimentu ekonómiku inkluzivu no sustentavel iha futuru oin mai
Iha sorin seluk Embaixador Australia ba Timor-Leste Caitlin Wilson hatete, Australia nia kompromisu forte ho Timor-Leste momentu ne’ebé marka pasu importante ida iha parseria tempu naruk entre nasaun rua ne’e, ho bazeia ba konfiansa, respeitu malu no kompromisu ba oportunidade no prosperidade ba Governu no povu Timor-Leste.
“Ohin marka pasu importante ida iha ami-nia parseria ho Timor-Leste, bainhira ita halibur hamutuk hodi lansa ami-nia programa rejionál foun, Pacific Australia Skills, iha Timor-Leste,” dehan Embaixador Australia Caitlin Wilson
Embaixadora Australia ne’e orgullu hodi Kontinua halo parseiru diak ho Governo Timor Leste liu husi Sekretariu Estado Formasaun Profisional No Empregu (SEFOPE) no entidades Ministerio sira nomos Sosiedae Sivil atu bele halo servisu hamutuk hodi indentifika area prioridade sira
“Ita orgullu hamriik hamutuk ho Timor-Leste iha jornada ida ne’e, ho nota katak Australia sei kontinua servisu iha parseria ho Governu Timor-Leste, SEFOPE, ministériu relevante sira, sentru formasaun, empregadór no sosiedade sivil atu identifika prioridade no area kolaborasaun,” hateten Embixador Australia
Embaixador Wilson agradese ba parseiru no parte interesada sira ne’ebé servisu hamutuk hodi kria futuru ida ne’ebé Timor-oan barak liu tán bele aprende, servisu no buras, no Australia sente onradu atu sai parseiru fiar ba Timor-Leste.
Ekipa Kobertura : Lian Karau Dikur
