Lian Karau Dikur (Dili)-Sekretariu Estadu Cooperativa (SECoop), Arsenio pereira, hatete hetan delegasaun husi Universidade Agrikultura no Floresta Fulonep Popular China atu introdus konaba teknologia foun ne’ebé ho naran Chin-Chau Teknologi no dut ne’ebé iha multifunsaun.
“Sorumutu ida ne’e ami hetan husi universidade China ne’ebé mai intrudus teknologia foun ida ne’ebe ho naran Chin-chau teknologi ne’ebé oin ita boot sira mos akompanha teknologia ida ne’e diak dut ida ne’ebé ke sira husi Professor ne’e rasik mak intrudus dut ne’e nia funsaun barak multifunsaun ida mak nia bele sai hanesan konserva solo rai para erosaun solo ne’e bele konserva tanba ninia abut ne’e bele tahan rai ida seluk mos ne’e hanesan dut ne’ebé ke bele fo han ba animal hanesan fo han bibi, fahi, karau para depois aumenta tan ninia valor ekonomiku” Dehan Sekretario de Estado das Cooperativas (SECoop), Arsenio Pereira da Silva, iha sala SECoop Akait tersa, (20/01)
Arsenio, haktuir atu implementa programa ne’ebé rai tetuk ho kualidade hodi halo produsaun gulat, tanba agora iha Timor-Leste mos iha Grupo Kooperativa ne’ebé iha ermera no Ainaru halo produsaun ba gulat,
“Alende ida ne’e mos dut ne’e sai hanesan media ba halo produsaun gulat, gulat ne’e nia funsaun diak tebes hau hanoin iha Timor mos ita iha grupo kooperativa balun mos produs hela gulat hanesan Ermera, Ainaru ho media balun husi batar balun husi bafukper hela ninia maibe iha dut ida ne’e sira implementa ona iha nasaun kuase atus ida resin iha mundo iha pasific iha Afrika iha kontinente Amerika Europa mos sira China rasik sira produs dut ida ne’e maibe dut ne’e mak nia naran Chonsol, oin ita hare katak depois iha fatin ne’ebé deit bele iha rai ne’ebé maka tetuk iha foho leten rai henek tasi ibun tanba oin ita hare hanesan iha pasificlens sira ne’e iha rai ida ne’ebé mak dezertu maibe sira bele kuda iha ne’eba ne’ebé hau nia hanoin diak ba iha Timor-leste” Dehan Arsenio.
Alende programa husi Universidade Agrikultura no Floresta Folunep popular xina ne’e parte Governu husi Sekretariu Estado Kooperativa apoiu ho teknologia ne’ebé husi dut ne’e tanba dut ne’e bele hakiak animal no produs gulat
“Husi parte SECoop ami mos aseita tebes iha teknologia ida ne’e tanba ida ne’e laos dut naran deit maibe husi dut ita bele hakiak animal husi dut ita bele produs gulat husi dut ita hakiak bibi ka Karau husi bibi ho Karau ne’e ita laos han nia naan deit maibe nia susu ben ne’ebé maka husi ne’e sai fali materia prima ba fali produtu sira seluk bele ba fali susu ben bele fali keju bele ba fali buat seluk-seluk tan” dehan nia
Arsenio Pereira rekomenda mos ba delegasaun Universidade Agrikultural no Floresta Fulonep Popular Xina hodi simu Timor oan sira halao estudu Mastrado iha universidade agrikultura no floresta iha China
“Tanba ne’e maka oin hau mos husu para sira mos iha universidade oin mos hatete bele mos simu Timoroan sira bele ba aprende no mos bele ba eskola hanesan mastrado nia iha sira nia universidade hau hanoin ida ne’e diak tanba ita hatene katak Embaixada China nia mos iha Timor-leste iha ita bele kontinua para nia aproxima oinsa para depois Timoroan sira mos bele ba aprende iha ne’eba bele mai implementa” nia haktuir
Nia hateten, parte IX Governu liu husi Sekretariu Estasu Kooperativa (SECoop) prontu apoiu tanba programa ne’e diak ba Timor-Leste no bele halo konservasaun solo no sai funsaun ba hahan diak ba komunidade
“Hanesan Governu SECoop ami mos prontu atu simu kuando mai pokonia nia diak ba ita nia Timor tanba bele halo konservasaun de solo depois ba hahan nia fuansaun ne’ebé barak ne’ebé hanoin diak ba ita, buat sira ne’e laos ohin ita koalia mai kedas buat sira ne’e hotu liu husi prosesu tanba ne’e nasaun ho nasaun” hakotu nia
Ekipa kobertura : Lian Karau Dikur
