Lian Karau Dikur (Dili)-Ró MV DOULOS HOPE husi nasaun alemaña ne’ebé opera husi órganizasaun GBA SHIP ho Misaun Kona-ba Edukasaun Mundu atraka ona iha Portu Díli hafoin desloka husi nasaun Maláizia.
Representante Ministeriu Turismu Ambiente (MTA), Edson Robert Noronha hateten Visita Ro MV Doulos Hope ne’e iha kolaborasaun ho Ministeriu Turismu Ambiente (MTA) ne’ebe fasilita mos biblioteka husi ekipa Doulos Hope
“Visita Ro doulos hope ida ne’e iha kolaborasaun ho ministeriu turismu i ambiente fasilita mos Ro ne’e no mos ekipa husi doulos hope hanesan ita normalmente ita halo kolaborasaun entre Ro kruzeiru sira bainhira mai ita halo fasilita intermos de halo promosaun ba situs turistiku no mos fasilita entermos de liña koordenasaun entre ministeriais sira” dehan representante MTA Edson Robert Noronha iha Portu Dili, Kinta (15/01)
Representante Ekipa Internasional hosi Ró MV Doulos Hope, Ciquina de Sousa hateten nia parte senti honradu hodi halo viajen mai visita Timor-Leste ne’ebe iha Ro MV Doulos Hope ema hamutuk 130 no mos iha Ro MV Doulos Hope loke kafetaria, loke biblioteka, faan livru no loke ba publiku hahu aban to 26 janeiru
“Ami mai iha Díli, ami faan livru, loke kafe ba públiku, ami hamutuk 130 mak mai iha ne’e, ida ne’e sei nakloke ba públiku iha aban to’o remata Ami konvida ema hotu iha Díli atu mai vizita no enjoy ho produtu sira ne’ebe ami prepara iha ne’e, ami presiza imi hotu nia presensa durante ami estádia iha ne’e” nia dehan
Ró MV DOULOS HOPE sei atraka durante loron 12 hahú iha loron 15 Fulan Janeiru to’o loron 26 Fulan Janeiru Tinan 2026.
Objetivu Vizita Mv Doulos Hope Mai Timor-Leste ho Biblioteka hodi Oferese livru oioin (literatura, edukasionál, labarik nian, nst.); Habelar espíritu aprendizajen no esperansa liu hosi livru no interasaun ho tripulasaun ró nian hosi nasaun oioin; Simu vizitante sira, fornese esperiénsia úniku ida hodi haree biblioteka flutuante boot liu iha mundu.
Tuir planu Ro Biblioteka Mv Doulos Hope sei loke ba públiku hahú iha oras tuku 10;00 to’o 17;00 otl ho kada loron simu vijitante 300 pesoas no oferese ba públiku kuaze 2.000 títulu livru.
Alende ne’e Ro MV Doulos Hope atraka ona iha portu dili loron 15 fulan Janeiru ne’ebe hahu loron 16 simu ona vizitante 300 no oferese ba publiku ho livru kuaze 2.000
Ekipa kobertura : Lian Karau Dikur
