Lian Karau Dikur (Ermera)– Primeiro Ministru (PM) Kay Rala Xanana Gusmão hamutuk ho Ministru Obras Públikas (MOP) Samuel Marcal hodi lansa fatuk dahuluk ba projetu konstrusaun Estrada husi Lete-Foho (km 30+230) to’o Gl (km 54+370), ne’ebé sei halo durante loron 365 ho orsamentu total US$38,800,054.00.
Alende Projetu ida ne’e sei Konstrui husi Compañia China Civil Engineering Construction Corporation (CCECC – China) hanesan empreteiru, ho numeru kontratu TENDER/191/MOP–2024. Ermera- Lete-Foho , Eraulo.
Prezidente Prezidente Autoridade Munisípiu (PAM) Ermera, José Martinho dos Santos, hateten agradese ba Governu sentral no parseiru hotu ne’ebé durante ne’e servisu hamutuk hodi aselera prosesu tau fatuk dahuluk ba Konstrusaun estrada Gleno liga ba Lete- Foho.
“Estrada Gleno–Letefoho, estrada urbanu Gleno, merkadu munisipal no konstrusaun Asembleia Municipal sira hotu mak parte husi komitmentu governu atu responde ba nesesidade povu,”PAM Ermera informa iha fatin lansamentu, Segunda (26/01).
Iha fatin hanesan, Ministru Obras Públikas, (MOP) Samuel Marçal reforsa, Projeitu Konstrusaun Estrada Gleno ba Lete-Foho hetan orientasun husi Primeiru Ministru (PM), hodi garantia kualidade ba estrada Dezeñu no prosesu legal.
“Ne’e laos de’it servisu MOP mesak, maibé husi kedas KRO, membru governu hotu, KAFI, ADN, CNA no tekniku sira tomak, ita lao neneik maibé ho kuidadu, tanba ita hakarak harii estadu ida ne’ebé metin,” dehan Samuel Marçal
Governante ne’e mos husu ba Povu Ermera Atu Labele halo impedimentu ba Projetu konstrusaun Estrada Gleno liga ba Lete-Foho liu-liu ba sira ne’ebé hela besik estrada ibun, no labele husu Indimizasaun ba kafe ho folin ne’ebé karun.
“Se hotu-hotu fó apoiu, iha tinan 2027 estrada ne’e bele konklui ona, estrada la’os de’it atu hadia dalan, maibé atu hamoris ekonomia, halo sasan baratu, fasilita saúde, edukasaun no turizmu,”
Entre tantu IX Governo liu husi Ministeriu Obras Publika (MOP) sei konstrui estrada Letefoho–Atsabe, Atsabe–Lourba no Lourba–Bobonaro kontratu seluk sei asina fali iha fulan Fevereiru no Marsu.
Ekipa kobertura : Lian Karau Dikur
