Lian Karau Dikur (Dili)– Ministru Interior (MI) Francisco da Costa Guterres hateten, Konsellu Ministru (KM) deside suspende teste mediku kadetes foun PNTL sira ne’ebé pasa ona ba teste Mediku bazeia ba reklamasaun sira hotu
“Depois de reklamasaun oioin depois de ida ne’e lori mai iha konsellu Ministru Ministru i Konsellu Ministru deside katak primeiru ita suspende tiha lai konkursu ne’e rasik, tanba ita presiza halo uluk averiguasaun halo uluk analiza haree didiak fila fali mak foin bele anúnsia rezultadu ne’e”, dehan Ministru Interior (MI) Francisco da Costa Guterres, hafoin halo reuniuan Konsellu Ministru iha Palasio Governu
Governante ne’e haktuir, Konseillu Minstru (KM) fo ona mandatu ba Ministeriu Interior (MI) atu reestrutura fali komisaun verifikasaun hodi inklina fali GNR Portugal no Australia hodi halo revisaun ba rekrutamentu ba loron 20
“Segundu Konsellu Ministru mós fó mandatu ba ha’u atu reestrutura fali komisaun verifikasaun no supervizasun, komisaun ida kompostu husi ema entidade oioin horsida ita mós inklui ema internasional balun GNR husi Portugál husi Austrália ho tan ema balun ne’ebé mak ha’u dehan para atu nune’e bele fó servisu ba sira loron rua nulu para atu halo revizaun too prosesu konkursu ne’e rasik”, nia informa
Francisco Guterres salienta katak, fo tempu loron 20 atu halo revizaun ba rezultadu rekrutamentu kadetes Polisia Nasional Timor-Leste (PNTL) tinan 2025
“Depois ita sei haree depois sira sei iha vinte Dias sira rekomenda mai ha’u’ tenke hato’o ba Konsellu Ministru medida saida mak ita bele foti revizaun totál sé problema ruma ita bele halo revizaun totál ba oin bele mós ita bele dehan halo fila fali parsiálmente konkursu ne’e rasik para konkursu ne’e rasik bele la’o fila fali ho di’ak”,
Governante informa, atu halo revizaun ba reteste ba 400 ne’e no reteste ba 10.597 ne’e komisaun mak sei hare no tetu bainhira iha iregularidade sei rekomenda fila fali hodi repete hodi reteste depende ba fali komisaun rekrutamentu.
“Atu reteste ba 400 ka 10.597 ne’e ka oinsá ne’e komisaun mak sei haree kuandu iha iregularidade makas mak sei bele mós rekomenda ba ita atu repete fali resteste balun depende ba komisaun ne’e halo 2. 000 resin la liu sei tuir teste hotu ne’e horsida mak komisaun haree bele ka lae para ita haree ida ne’e.” nia hakotu
Ekipa Kobertura : Lian Karau Dikur
