Lian Karau Dikur (DILI)- Kandidatu kadetes Polisia Nasional Timor-Leste (PNTL) foun ne’ebé ho admitidu 10.597 mil no elimina 400 pasa ba atetadu mediku nune’e kandidatu kadetes PNTL ne’e lamenta sistema rekrutamentu ba kadetes foun ne’ebé balun la passa ba atestadu mediku nian.
Porta voz, Deolando Yano Mendonça, hatete hodi hato’o preokupasaun ba lista naran ne’ebé taka sai iha loron 3 fulan Fevreiru 2026 tanba kadetes kuaze 10.597 mill admitidu ne’ebé la pasa ba atestadu mediku.
“Iha biban ida ne’e antes de atu hato’o preokupasaun husi parte ami kandidatu ne’ebé mak ho estatus admitidu maibe la bele avansa ba iha teste mediku, tanba ne’e ohin ami mai representa kandidatu hotu iha territoriu timor laran tomak atu hato’o ita ninian preokupasaun ne’ebé mak ita hetan basea ba rejultadu ne’ebé mak publika ona iha loron 3 fulan fevreiru tinan 2026” dehan Porta Voz Deolando Yano Mendonça, iha HAK Farol, Kinta (05/02/2026)
Alende iha loron 3 fulan fevreiru tinan 2026 ba komisaun rekrutamentu ne’ebé anunsia rejulatdu ba kadetes foun Polisia Nasional Timor-Leste nian, ba lista kandidatu foun hamutuk 12.874 no aprovadu 10.597, la aprovadu hamutuk 2.277, maibe husi kandidatu aprovadu 10.597 ne’e elimina tiha 400 mak ba teste mediku husi kada munisipiu.
” Iha loron 03 fulan Februari 2026, komisaun rekrutamentu PNTL liu husi Porta Voz Antonio da Luz lei sai lista kantidatu foun liu husi fontes media ho total kandidatu rihun sanulu resin rua atus ualu hitu nulu resin haat (12.874). Husi ne’e kandidatu rihun sanulu atus lima sia nulu resin hitu (10.597) mak aprovadu, no kandidatu rihun rua atus rua hitu nulu resin hitu (2.277) mak la aprovadu. Husi kandidatu aprovadu kandidatu hamutuk atus haat (400) husi kuota kada munisipiu maka sei tuir teste médiku. Ami ho statutu kategoria aprovadu hotu maibe limita ami labele tuir teste mediku maibė fo prioridade atu tuir teste mak sira ne’ebe iha numeru kiik tuir kuato Munisipiu ida-idak nian. Husi teste ne’e identifika kandidatu balu kondisaun saude la permiti mak sei kontaktu/bolu tuir lista ne’ebe iha” esplika Deolando Yano Mendonça
Porta Voz argumenta, totalmente lamentavel ho desizaun ne’ebé la justu no diskriminasaun la ho garantia prinsipiu boa governasaun tanba tendensia hamosu familiarismu no grupuismu iha rekrutamentu kadetes foun ba PNTL nian.
“Ami totalmente lamentavel ho dejisaun ne’ebé la justu, diskriminativu no la garantia prinisipiu boa governasaun tanba tendensia ba familiasimu no grupuismu. Tuir ami nia observasaun lista sira ne’ebe ho numeru kiik maioria husi Komandante Polisia nia oan no Komandante Polisia sira familia nia oan. Iha parte seluk mós kona-ba membru polisia balu ne’ebé tama iha komisaun rekrutamentu halo atendimentu la hatudu profisional servisu tuir regulamentu ne’ebé iha maibé halo fali atendimentu espesial iha prosesu rekrutamentu tanba kandidatu balu la priense kriteriu bazeia ba regulamentu neʼebé komisaun hatur, maibė ikus naran tama hotu lista aprovadu” nia hakotu
Jornalista : Moises Madeira
